കൊടുമൺ
ഗ്രാമ പഞ്ചായത്ത്

പത്തനംതിട്ടജില്ലയില്‍ അടൂര്‍താലൂക്കില്‍ പറക്കോട് ബ്ളോക്കിലാണ് കൊടുമണ്‍ഗ്രാമപഞ്ചായത്ത് സ്ഥിതിചെയ്യുന്നത്. കൊടുമണ്‍, അങ്ങാടിക്കല്‍ എന്നീ രണ്ടു വില്ലേജുകള്‍ കൂടിച്ചേര്‍ന്നതാണ് ഈ പഞ്ചായത്ത്. കൊടുമണ്‍ പഞ്ചായത്തിന്റെ വിസ്തീര്‍ണ്ണം 36.36 ചതുരശ്രകിലോമീറ്ററാണ്. പഞ്ചായത്തിന്റെ അതിരുകള്‍ പടിഞ്ഞാറുഭാഗത്ത് പന്തളം തെക്കേക്കര പഞ്ചായത്തും അടൂര്‍ മുനിസിപ്പാലിറ്റിയും, തെക്കുഭാഗത്ത് അടൂര്‍ മുനിസിപ്പാലിറ്റിയും ഏഴംകുളം പഞ്ചായത്തും, കിഴക്കുഭാഗത്ത് കൂടല്‍ പഞ്ചായത്തും, വടക്കുഭാഗത്ത് പന്തളം തെക്കേക്കര, കൂടല്‍ പഞ്ചായത്തുമാണ്. ആശ്ചര്യ ചൂഡാമണി എന്ന സംസ്കൃതനാടകം രചിക്കുകയും കൊടുമണ്‍ ആസ്ഥാനമാക്കി ചെന്നീര്‍ക്കര സ്വരൂപം സ്ഥാപിച്ച് ഭരണം നടത്തുകയും ചെയ്ത ശ്രീശക്തിഭദ്രന്റെ ജന്മംകൊണ്ട് ധന്യമാണ് ഈ മണ്ണ്. കൊടുമണ്‍ എന്ന വാക്കിന്റെ അര്‍ത്ഥം സ്വര്‍ണ്ണഭൂമി എന്നാണ്. 1951-ല്‍ തെരഞ്ഞെടുക്കപ്പെട്ട പഞ്ചായത്തുഭരണസമിതി നിലവില്‍ വരുന്നതിന് മുമ്പ് സര്‍ക്കാരിനാല്‍ നിയമിക്കപ്പെടുന്ന വില്ലേജുയൂണിയനായിരുന്നു ഭരണം നടത്തിയിരുന്നത്. 1951-ലെ പഞ്ചായത്ത് രൂപീകരണത്തിന് ശേഷം തെരഞ്ഞെടുപ്പിലൂടെ നിലവില്‍ വന്ന...